సెల్ఫీ అడిగిన ఫ్యాన్‌పై చేయిచేసుకున్న షకీబ్.. నువ్వు ఇక మారవా..!
షకిబ్ అల్‌ హసన్.. క్రికెట్ అభిమానులకు పరిచయం అక్కర్లేని పేరు. ప్రపంచ క్రికెట్‌లో మేటి ఆల్‌రౌండర్‌గా గుర్తింపు పొందాడు ఈ బంగ్లాదేశ్ స్టార్ ప్లేయర్‌. అయితే ఆటతోనే కాకుండా ఆటేతర కార్యక్రమాలతోనూ తరచూ వార్తల్లో నిలుస్తుంటాడు. సమకాలీన క్రికెట్‌లో స్టార్ ఆల్‌రౌండర్‌గా గుర్తింపు పొందిన షకిబ్.. వివాదాలకు కేరాఫ్‌ అడ్రస్‌గా నిలుస్తుంటాడు. తాజాగా మరోసారి అలాంటి చర్యలతోనే చేసి వార్తల్లోకి వచ్చాడు.
భారత్‌ వేదికగా జరిగిన వన్డే ప్రపంచకప్‌ 2023 తర్వాత ప్రత్యక్ష రాజకీయాల్లోకి వెళ్లిన ఈ ఆల్‌రౌండర్‌.. ఈ ఏడాది ప్రారంభంలో జరిగిన బంగ్లాదేశ్ 12వ సార్వత్రిక ఎన్నికల్లో గెలుపొందాడు. ప్రస్తుత ప్రధాన షేక్ హసీన్ నేతృత్వంలోని అధికార అవామీ లీగ్ పార్టీ తరఫున మగురా-1 నియోజకవర్గం నుంచి పార్లమెంట్‌కు పోటీ చేసి విజయం సాధించారు. అయినా క్రికెట్‌లో మాత్రం కొనసాగుతున్నాడు.
ప్రస్తుతం బంగ్లాదేశ్ జట్టు జింబాబ్వేతో సిరీస్ ఆడుతోంది. ఈ సిరీస్‌కు దూరంగా ఉన్న షకిబ్.. ప్రస్తుతం దేశవాళీ టోర్నమెంట్‌లో పాల్గొంటున్నాడు. ఈ క్ర‌మంలో మ్యాచ్ ఆరంభానికి ముందు షకీబ్ చేసిన పనిపై విమర్శలు వస్తున్నాయి. షకిబ్‌ను చూసిన గ్రౌండ్‌ స్టాఫ్‌ ఒకరు అతడి దగ్గరకు వచ్చి సెల్ఫీ కావాలని అడిగాడు. ఏ ఆటగాడైనా.. వీలైతే ఫొటో ఇస్తారు.. లేదంటే ఇవ్వలేను అని చెబుతున్నారు. కానీ షకిబ్ మాత్రం అందుకు భిన్నంగా ప్రవర్తించాడు.
గ్రౌండ్‌ స్టాఫ్‌ సెల్ఫీ అడగడంతో చిర్రెత్తుకుపోయిన షకీబ్ అత‌డిని కొట్టే ప్ర‌య‌త్నం చేశాడు. దీంతో ఒక్క‌సారిగా ఆ గ్రౌండ్స్‌మ‌న్ బాధ‌ప‌డుతూ ప‌క్క‌కు వెళ్లిపోయినట్లు వీడియోలో కనిపించింది. ఇందుకు సంబంధించిన దృశ్యాలు ప్రస్తుతం సోష‌ల్ మీడియాలో వైర‌ల్‌గా మారాయి.
https://x.com/UmpireFourth/status/1787756452674736445
ఈ వీడియోనూ చూసిన నెటిజ‌న్లు ష‌కీబ్‌పై విమ‌ర్శ‌ల వ‌ర్షం కురిపిస్తున్నారు. ఒక బాధ్యతగల పదవిలో ఉండి.. మ‌రి అంత పొగ‌రు ప‌నికిరాదంటూ కామెంట్లు చేస్తున్నారు.
https://x.com/Abhishe31879449/status/1787886185911628213
https://x.com/nithishjaddu/status/1787860060414132520
https://x.com/vikassinghbish1/status/1787837159786897742
ఇటువంటి మరిన్ని వార్తలు సమయం తెలుగులో చదవండి. లేటెస్ట్ వార్తలు, సిటీ వార్తలు, జాతీయ వార్తలు, బిజినెస్ వార్తలు, క్రీడా వార్తలు, రాశిఫలాలు ఇంకా లైఫ్‌స్టైల్ అప్‌డేట్లు మొదలగునవి తెలుసుకోండి. వీడియోలను TimesXP లో చూడండి. 2024-05-07T18:08:05Z dg43tfdfdgfd
