ఈ సీజన్లో ఆశించిన మేర రాణించలేకపోతున్న ఢిల్లీ క్యాపిటల్స్ జట్టుకు భారీ షాక్ తగిలింది. వన్డే ప్రపంచకప్ 2023 విన్నింగ్ టీమ్ మెంబర్, ఢిల్లీ క్యాపిటల్స్ ఆల్ రౌండర్.. మిచెల్ మార్ష్ ఐపీఎల్ 2024 సీజన్ మొత్తానికి దూరమయ్యాడు. ఈ విషయాన్ని ఢిల్లీ క్యాపిటల్స్ హెడ్కోచ్ రికీ పాంటింగ్ వెల్లడించాడు. అయితే అతడి స్థానంలో ఎవర్ని జట్టులోకి తీసుకుంటారనే విషయాన్ని మాత్రం చెప్పలేదు.
కాగా ఈ సీజన్లో మిచెల్ మార్ష్ కేవలం నాలుగు మ్యాచులు మాత్రమే ఆడాడు. అందులోనూ బ్యాటింగ్లో 61 పరుగులు స్కోరు చేశాడు. బౌలింగ్లోనూ పెద్దగా రాణించలేకపోయాడు. 4 మ్యాచుల్లో కలిపి 8 ఓవర్లు బౌలింగ్ వేసి.. కేవలం ఒకే ఒక్క వికెట్ తీశాడు. కోల్కతా నైట్ రైడర్స్తో జరిగిన మ్యాచులో మార్ష్ గాయపడ్డాడు. మ్యాచ్ తర్వాత చేసిన స్కానింగ్లో చీలమండలో పగులు వచ్చినట్లు వైద్యులు గుర్తించారు. దీంతో ఏప్రిల్ 12వ తేదీనే మార్ష్ ఆస్ట్రేలియాకు వెళ్లిపోయాడు.
గాయం ఇంకా మానకపోవడంతో మార్ష్ తిరిగి భారత్కు రావడం లేదని.. ఈ సీజన్ మొత్తానికి దూరమయ్యాడని రికీ పాంటింగ్ తెలిపాడు. అతడి గాయాన్ని పరిశీలించిన అనంతరం క్రికెట్ ఆస్ట్రేలియా వైద్య బృందం సూచన మేరకు ఈ నిర్ణయం తీసుకున్నట్లు చెప్పాడు. మరో ఐదు వారాల్లో టీ20 ప్రపంచకప్ జరగనున్న నేపథ్యంలో రిస్క్ తీసుకోకూడదని, టోర్నీ నాటికి అతడు ఫిట్నెస్ సాధించాలనే క్రికెట్ ఆస్ట్రేలియా ఈ నిర్ణయం తీసుకున్నట్లు తెలుస్తోంది. వరల్డ్ కప్ టోర్నీలో ఆసీస్కు మార్ష్ సారథ్యం వహించే అవకాశం ఉంది. దీంతో అతడి ఫిట్నెస్పై క్రికెట్ ఆస్ట్రేలియా దృష్టి సారించింది. అయితే మార్ష్ స్థానంలో ఢిల్లీ క్యాపిటల్స్ ఎవర్ని జట్టులోకి తీసుకుంటుందనే విషయం తెలియాల్సి ఉంది.
2022 మెగా వేలంలో రూ.6.5 కోట్లకు మిచెల్ మార్ష్ను ఢిల్లీ క్యాపిటల్స్ కొనుగోలు చేసింది. 2022 సీజన్లో 8 మ్యాచ్లు ఆడిన మార్ష్.. 2023 సీజన్లో 9 మ్యాచ్లు ఆడాడు. ఈ సీజన్లో నాలుగు మ్యాచ్లే ఆడాడు. మొత్తంగా మూడు సీజన్లలో కలిపి ఢిల్లీ తరఫున అతడు 21 మ్యాచ్లు మాత్రమే ఆడాడు.
ఈ సీజన్లో ఢిల్లీ క్యాపిటల్స్ పేలవ ప్రదర్శన చేస్తోంది. ఆడిన 8 మ్యాచుల్లో మూడింట్లో మాత్రమే గెలిచి పాయింట్ల పట్టికలో 8వ స్థానంలో నిలిచింది. ఆ జట్టు ప్లే ఆఫ్స్ చేరాలంటే మిగిలిన ఆరు మ్యాచుల్లో కనీసం ఐదింట్లో గెలవాల్సి ఉంది. ఢిల్లీ క్యాపిటల్స్ జట్టు తన తర్వాతి మ్యాచ్లో ఈనెల 24న గుజరాత్ టైటాన్స్తో తలపడనుంది.
ఇటువంటి మరిన్ని వార్తలు సమయం తెలుగులో చదవండి. లేటెస్ట్ వార్తలు, సిటీ వార్తలు, జాతీయ వార్తలు, బిజినెస్ వార్తలు, క్రీడా వార్తలు, రాశిఫలాలు ఇంకా లైఫ్స్టైల్ అప్డేట్లు మొదలగునవి తెలుసుకోండి. వీడియోలను TimesXP లో చూడండి. 2024-04-23T02:11:27Z dg43tfdfdgfd