ఢిల్లీలోని అరుణ్ జైట్లీ స్టేడియం వేదికగా.. సన్రైజర్స్ హైదరాబాద్, ఢిల్లీ క్యాపిటల్స్ జట్ల మధ్య జరిగిన మ్యాచ్లో సిక్సర్ల వర్షం కురిసింది. ఈ మ్యాచ్లో ఇరు జట్ల బ్యాటర్లు కలిసి 31 సిక్సులు, 40 ఫోర్లు బాదారు. దీంతో ఐపీఎల్ చరిత్రలో అత్యధిక బౌండరీలు నమోదైన రెండో మ్యాచ్గా ఇది నిలిచింది. ఇటీవల బెంగళూరు వేదికగా సన్రైజర్స్, ఆర్సీబీ మధ్య జరిగిన మ్యాచ్లో 81 బౌండరీలు (38 సిక్సులు, 43 ఫోర్లు) నమోదు కావడమే ఐపీఎల్ హిస్టరీలో అత్యధికం.
ఢిల్లీతో జరిగిన మ్యాచ్లో సన్రైజర్స్ ఓపెనర్లు ట్రావిస్ హెడ్, అభిషేక్ శర్మ విధ్వంసానికి సరికొత్త నిర్వచనం చెప్పారు. వీరిద్దరూ ఆకాశమే హద్దుగా చెలరేగారు. దీంతో 5 ఓవర్లలోనే 100 పరుగులు చేసిన సన్రైజర్స్.. పవర్ ప్లే ముగిసే సమయానికి 125 రన్స్ చేసింది. కేవలం ఐపీఎల్లో మాత్రమే కాకుండా టీ20 క్రికెట్ చరిత్రలోనే తొలి ఆరు ఓవర్లలోనే నమోదైన అత్యధిక స్కోరు ఇది కావడం గమనార్హం.
ఈ మ్యాచ్లో ట్రావిస్ హెడ్ (32 బంతుల్లో 89; 11x4, 6x6) కొద్దిలో సెంచరీ చేసే అవకాశాన్ని కోల్పోగా.. అభిషేక్ శర్మ (12 బంతుల్లో 46; 2x4, 6x6) ఢిల్లీ బౌలర్లను ఊచకోత కోశాడు. ఆ తర్వాత షహబాజ్ అహ్మద్ (29 బంతుల్లో 59 నాటౌట్; 2x4, 5x6) దూకుడుగా ఆడటంతో సన్రైజర్స్ ఈ సీజన్లో మూడోసారి 260కిపైగా పరుగులు చేసింది. ఢిల్లీతో మ్యా్చ్లో సన్రైజర్స్ బ్యాటర్లు 22 సిక్సులు బాదగా.. వీరు ముగ్గురే 17 సిక్సులు కొట్టారు.
సన్రైజర్స్ ఓపెనర్లు పవర్ ప్లేలో సిక్సర్ల మోత మోగిస్తుంటే.. చేష్టలు ఉడిగినట్లుగా చూస్తూ ఉండిపోవడం మినహా ఢిల్లీ క్యాపిటల్స్ ఆటగాళ్లు ఏం చేయలేకపోయారు. హెడ్, అభిషేక్ పోటాపోటీగా సిక్సులు కొట్టడంతో.. బౌండరీ లైన్ వెలుపల బంతిని ఇవ్వడం కోసం ఉన్న బాల్ బాయ్ హెల్మెట్ పెట్టుకోవాల్సి వచ్చింది. మ్యాచ్ జరిగేటప్పుడు వికెట్ కీపర్, బ్యాటర్కు దగ్గర ఫీల్డింగ్ చేసే ఫీల్డర్లు హెల్మెట్ పెట్టుకోవడం సహజమే.
కానీ సన్రైజర్స్ బ్యాటర్ల సిక్సర్ల మోత కారణంగా బంతి వచ్చి ఎక్కడ తనకు తగులుతుందని భయపడ్డాడో ఏమో కానీ.. బాల్ బాయ్ సైతం హెల్మెట్ పెట్టుకొని కనిపించాడు. ఆ తర్వాత ఢిల్లీ బ్యాటర్లు జేక్ ఫ్రాసెర్ (18 బంతుల్లో 65) కూడా ఏడు సిక్సులు బాదడంతో.. బాల్ బాయ్ హెల్మెట్ పెట్టుకొనే కనిపించాడు. ఇకపై సన్రైజర్స్ ఆడే మ్యాచ్ల్లో మిగతా బాల్ బాయ్స్ కూడా ఇలాగే హెల్మెట్ పెట్టుకునే కనిపిస్తారేమో.
ఇటువంటి మరిన్ని వార్తలు సమయం తెలుగులో చదవండి. లేటెస్ట్ వార్తలు, సిటీ వార్తలు, జాతీయ వార్తలు, బిజినెస్ వార్తలు, క్రీడా వార్తలు, రాశిఫలాలు ఇంకా లైఫ్స్టైల్ అప్డేట్లు మొదలగునవి తెలుసుకోండి. వీడియోలను TimesXP లో చూడండి. 2024-04-21T07:35:43Z dg43tfdfdgfd